(335) مشاهدة
انساني يا حبيبي
إنسـاني ياحبيبـي .. وجرب النسـيان
انسى اسمي وزماني.. وضيـع العنوان
ولو وحشـك حناني .. دور عليـا تاني
وانساني
انسـاني ياحبيبـي يا أحلـى الذكريـات
في حضن الحب عشنا وكان بينا حكايات
يارحلة النسـيان على فين رايح حبيبي
ح تعود ليالي زمان ولا النسيان نصيبي
وأوعـى تحكـي عني مهما البعـاد يـطول
أنا مهما الصبر خاني حأفضل على طول أقول
انساني ياحبيبي .. وجرب النسيان
إنساني وإنتا عارف بقول إنساني ليه
انسـاني وإنتـا شـايف بحبك أد إيه
لا في يوم ح تبقى ليا ولا عمري ح أبقى ليك
إحنـا البعـاد مصيرنا مع إني عايشـة بيك
وتنسـى مهما تنسـى مهمـا البعـاد يطـول
حافتكرك كل ما أنسـى وأفضل على طول أقول
إنسـاني ياحبيبـي .. وجرب النسـيان
انسى اسمي وزماني.. وضيـع العنوان
ولو وحشـك حناني .. دور عليـا تاني
وانساني